Tiven a miña primeira discusión con EE. Coido que está alienado, que non entende o que lle explico. Disque quere divertirse un pouco e disfrutar un pouco máis da vida, que pasa de amargarse en asambleas con xente milimetricamente cuadriculada, que pasa de escribir freneticamente poemas para meter no caixón e que...
Fiquei calado, poñendo a balanza. Creo que o proceso de diverxencia entre Eu e EE é imparable.
Mirámonos de forma allea e eu marchei a falar un anaco con Moncho Reboiras. Seica estaba cantando a Internacional. A III Internacional.
- ¡Non me fodas, Moncho! -díxenlle-.
-¡ Que ese non era socialismo, nin era nada! (bum bum, quen?o socialismo real, posible e pragmático chamando á porta!). Paso a paso. Espero que a certa xente lle entre na cabeza.
posted by amarante at 3:42 da tarde
Non adoeza por troulas políticas, a xente sempre estará agardando a súa diagnose, e estará nunha desprotección moi notable ante as opinións dos demáis. E arréglese con EE, eu estou desarreglada con 74 e non é boa cousa!
Unha aperta
11:01 da manhã
É moi complicado amañarse con EE, cada vez o vexo máis distante e creo que nun breve espazo de tempo a diverxencia será total e coido que marchará para sempre de estrela.
12:56 da tarde
a política ten que servir para unir puntos diverxentes. se ten problemas por mor dela, iso quere dicir que non fai un bo uso da política...
1:23 da tarde
os alumnos, agora non me estou a referir a termos políticos, senón a termos persoais. É a loita entre Eu e EE, pero sobordando temas políticos...
1:38 da tarde
Non comprendo o que é a política,na miña estreliña non hai diso, pero estou dacordo co Vaporoso en que se algo o distancia de EE terá que arranxalo e se a política se entromete pode ser que teña que utilizala doutra forma. Vermello sempre me poñía mala cara cando estaba con Rosa ata que se decatou de que debía ser feliz de verme feliz, igual que eu estou feliz cando Vermello está feliz. EE ten que aprender a compaxinar esa política na súa vida e vostede ten que saber introducir na súa xusta medida a política para que EE non o tome así.
Equilibrios que temos que facer, e iso que a min Rosa me axuda moito neses equilibrios...
4:17 da tarde
o principiño semella ter moita razón, en Sunset Boulevard hai xa moito tempo que está esquecida a política, pero os lazos persoais están máis firmes ca nunca. se EE é unha persoa que aprezas e que che aporta algo, ¿porque non o arranxas? todo se pode soliviantar se se lle pon vontade. Norma perdeu amigos por mor dun tal McCarthy. sen embargo outros seguen, a día de hoxe, acudindo puntualmente ás suas partidas de bridge. todo pode verse por un lado que mereza a pena, polo que todo se pode amañar. todo depende do cristal co que se mire
4:20 da tarde